Դպրոցն ավարտելու մեր 50-ամյակը
2014 թ. գոստոսի 14-16-ին գյուղում տեղի ունեցավ 1963/64 ուսումնական տարում Ծղալթբիլայի միջնակարգ դպրոցն ավարտած մեր համադասարանցիների 50-ամյակի կապակցությամբ հավաքը։ Վերջին չորս տարիների ընթացքում մի քանի անգամ բոլորին տեղյակ էր պահվել, հիշեցվել մեր այդ հանդիպման վերաբերյալ և պետք է ուրախությամբ նշել, որ դասարանի մեծամասնությունը ներկա գտնվեց։ Օգոստոսի 14-ին ու 15-ին գյուղում ապրող և այլ տեղերից եկած համադասարանցիներով այցելեցինք միմյանց ու մեր հին դպրոցը (որը ներկայումս մանկապարտեզ է), իսկ հիմնական հավաքը տեղի ունեցավ օգոստոսի 16-ին, մեր գյուղի գեղատեսիլ բնության Ուսկա կոչվող վայրում։
Հավաքվել էինք միայն դասարանցիներով և չնայած բոլորի պատկառելի տարիքներին, կարծես այդ հիսուն տարին չէր անցել և բոլորը իրենց զգում էին նախկին դպրոցական տարերքում։ Դժբախտաբար մեր դասարանից մի քանիսը արդեն այս աշխարհը վաղաժամ լքել էին և ցավով հիշեցինք նրանց։ Վերջում հավաքվածներս ապագա հանդիպումների լավատեսական ակնկալիքով միմյանց հրաժեշտ տվեցինք։
Մեր ավարտական հավաքների լուսանկարները այսօր և 50 տարի առաջ
Новость прислал: Андраник Погосян